ټام موډي د سریلانکا کرکټ ډایریکټر وټاکل شو

کریکبال وېبپاڼه- د سنرایرزرس حیدراباد لوبډلې مشر روزونکی او پخوانی کمینټیټور ټام موډي د سریلانکا کرکټ بورډ ادارې نوی ډایریکټر ټاکل شوی دی.

۵۵ کلن موډي لدې وړاندې هم د سریلانکا لوبډلې روزونکی پاتي شوی دی.

نوموړي دنده به اساسي برخو کې د مشورې ورکوونکي په توګه وي.

نوموړی له سریلانکا کرکټ بورډ سره درې کلن تړون کړی،نوموړی به پدې موده کې ۳۰۰ ورځې له هغوی سره بشپړوي.

د سریلانکا کرکټ بورډ اجرایوي رئیس ډي سیلوا ویلي،ټام موډي لدې وړاندې هم له سریلانکا سره د روزونکي په توګه پاتي شوی او د هغه پایلې مثبتې راوتلي،له همدې کبله به د هغه ټاکنه د کرکټ بورډ ادارې لپاره ارزښتمنه او مؤثره ثابته شي.

د یادونې وړ ده چې ټام موډي به ای پي ایل سیالیو کې د حیدراباد لوبډلې سره هم په ای پي ایل سیالیو کې د ډایریکټر په توګه دنده ولري.

ټاکل شوي چې د ۲۰۲۱ کال ای پي ایل سیالۍ به د اپریل په لومړی اوونۍ کې ترسره شي.

ای پي ایل سیالیو نیلامي څو اوونۍ وړاندې د هند په چنای ښار کې ترسره شوه،چې تر ۱۳۰ پورې لوبغاړي د اتو بیلا بیلو لوبډلو لخوا واخیستل شول.

په یادو سیالیو کې به درې افغان لوبغاړي په یوه لوبډله کې شتون ولري.

کریک بال وېب پاڼه د اروپايي‌ټولنې له قانون سره سم خپرونې کوي؛ ستاسو د خوندي‌توب په موخه زموږ د کوکیز قانون مراعات کړئ‌! منل نور ولولئ